ទំនាស់រវាង “ការរវើរវាយ” និង “ភាពប្រាកដនិយម” ឧបមាយើងយល់ច្បាស់ពីកម្មផល, ល្អនិងអាក្រក់, សន្ដិភាពនិងភាពចុះសម្រុងគ្នា និងការយោគយល់និង អធ្យាស្រ័យ។ ឧបមាយើងយល់ច្បាស់ដូចៗគ្នា អំពីបេសកកម្មនិងចក្ខុវិស័យឆ្ពោះទៅរកភាពចម្រុងចម្រើន និងចីរភាពនៃជាតិសាសន៍យើង។ ឧបមាយើងមានអំណាច មានទ្រព្យសម្បត្តិមហាសាល ជាមហាសេដ្ឋី និងជាបញ្ញវន្តមានចិត្តសប្បុរស ចេះឈឺឆ្អាល និងធ្វើច្រើនជាងអ្វីដែលពួកគាត់បាននិងកំពុងធ្វើ។ អ្វីៗទាំងអស់ខាងលើ ឧបមាមេដឹកនាំទាំងអស់អាចធ្វើឱ្យយើងស្វាងពីការរវើរវាយនេះ ហើយធ្វើឱ្យយើងមើលពីភាពប្រាកដនិយម នោះជារឿងដ៏ប្រពៃ។ យើងពិតជាអាចធ្វើបានច្រើនជាងអ្វីដែលយើងធ្លាប់ធ្វើកន្លងមកទៅទៀត ដូចជាការគាំទ្រ ការផ្តល់ភក្តីភាព ការគោរព និងការលើកតម្កើងគ្នាជាដើម។ សូមដឹកនាំខ្លួនយើងឱ្យកាន់តែប្រសើរឡើងជាលំដាប់។
