March 5, 2020 Quote សូមកុំក្រឡេកមើលទៅមេឃធ្វើអ្វី ព្រោះវាទទេស្អាតមិនមានអ្វីសោះឡើយ! មើលសូមមើល! មើលទៅពួកគាត់ មើលទៅកូនៗរបស់ពួកយើង! មើល សូមមើល! មើលរបៀបដែលពួកគេលេង និងភាពសប្បាយរីករាយក្អាកក្អាយដែល ពួកគេមាន! មើល សូមមើល! មើលទៅទឹកមុខរបស់ក្មេងទាំងនេះ ហើយសម្លឹងទៅក្នុងកែវភ្នែករបស់ពួកគេ! មើល សូមមើល! មើលឱ្យជិត ហើយឱ្យកាន់តែជិតទៀត និងសម្លឹងទៅកាន់ពួកគេ។ មើល សូមមើល! មើលរួចហើយសូមមកប្រាប់ខ្ញុំថា អ្នកបានឃើញអ្វី។ មើល សូមមើល! មើលហើយពិចារណា ពិចារណាហើយសូមមកប្រាប់ខ្ញុំថា អ្នកមានអារម្មណ៍បែបណា។ តើអ្នកមានឃើញសេចក្តីត្រេកអរនៅក្នុងទឹកមុខ ក្តីសង្ឃឹមនៅក្នុងខ្សែភ្នែក និងភាពសប្បាយ រីករាយសើចក្អាកក្អាយនៅក្នុងសកម្មភាពរបស់ពួកគេដែរឬទេ? សូមបន្តមើលទៅកាន់ពួកគេបន្តទៅទៀត រហូតទាល់តែអ្នកបានយល់ និងមានអារម្មណ៍ម្យ៉ាង ដែលមនុស្សដទៃទៀតមិនធ្លាប់មាន! តើអ្នកនៅមានបានឃើញអ្វីខ្លះទៀត? ប្រាប់ខ្ញុំមក… សូមមេត្តាប្រាប់ខ្ញុំមក… ប្រាប់ខ្ញុំឱ្យបានច្រើនថែមទៀតនូវអ្វីដែលអ្នកបានយល់និងឃើញ! ថ្ងៃនេះ ខ្ញុំពិតជាសប្បាយរីករាយណាស់ ព្រោះខ្ញុំឃើញនូវអ្វីដែលខ្ញុំធ្លាប់បានឃើញ យល់នូវអ្វីដែលខ្ញុំធ្លាប់បានយល់ និងដឹងនូវអ្វីដែលខ្ញុំធ្លាប់បានដឹង។ ថ្ងៃនេះផងដែរ ខ្ញុំក៏សែនទោម្នេញ ហើយសោកសៅដ៏សែនក្តៅក្រហាយបំផុត នូវអ្វីដែលខ្ញុំ ធ្លាប់បានឃើញ នូវអ្វីដែលខ្ញុំបានដឹង ហើយអ្វីដែលខ្ញុំបានដឹងបានឃើញទាំងនេះ វាមិនឋិតឋេរសោះ ហើយវាហាក់បីដូចជាតែមួយប៉ប្រិចប៉ុណ្ណោះ។ តើយើងទាំងអស់គ្នាអាចចូលរួមថែរក្សាស្នាមញញឹម សំណើចក្អាកក្អាយ និងសកម្មភាព លេងសើចសប្បាយរីករាយទាំងនេះឱ្យនៅជាប់លាប់ដែរឬទេ? តើពួកយើងទាំងអស់គ្នាអាចពួតដៃគ្នាធ្វើឱ្យទស្សនីយភាពទាំងនេះ នៅរក្សាបានជានិរន្តរបានទេ? Share ThisShareTweetShare Related Quotes បើយើងស្អប់ខ្ពើម ហើយមិនប្រព្រឹត្តនូវអំពើពុករលួយ ស៊ីសំណូកសូកប៉ាន់ កេងប្រវ័ញ្ច និងការទទួលកម្រៃជើងសារក្នុងអាជីពការងារដែលយើងកំពុងបំពេញប្រចាំថ្ងៃ នោះយើងនឹងទទួលបាននូវការស្រឡាញ់ កេរ្តិ៍ឈ្មោះ កិត្តិយស សេចក្ដីថ្លៃថ្នូរ និងការគោរពដែលជាអំណោយជីវិតដ៏មានតម្លៃជាក់ជាមិនខាន។ អ្នកឧកញ៉ា វេជ្ជបណ្ឌិត គួច ម៉េងលី សូមកុំមើលស្រាលឥទ្ធិពលនៃសេចក្តីស្រលាញ់ ការចែករំលែក ការជួយគ្នាទៅវិញទៅមក និងការរួបរួមគ្នាឱ្យសោះ ព្រោះកត្តាទាំងនេះនឹងជួយឱ្យយើងអាចជម្នះរាល់ឧបសគ្គ និងរបាំងរារាំងគ្រប់បែបយ៉ាង។ អ្នកឧកញ៉ា វេជ្ជបណ្ឌិត គួច ម៉េងលី កុំភ្លេចក្រើនរម្លឹកប្រាប់ខ្លួនឯងជាប្រក្រតីថា “ខ្ញុំអាចធ្វើបាន” ចំពោះគ្រប់កិច្ចការនិងគម្រោងទាំងអស់ដែលអ្នកចង់សម្រេចបាននាពេលអនាគត ព្រោះថាមានតែការចាប់ផ្តើមទេដែលអាចនាំយើងទៅរកលទ្ធផល។ អ្នកឧកញ៉ា វេជ្ជបណ្ឌិត គួច ម៉េងលី
បើយើងស្អប់ខ្ពើម ហើយមិនប្រព្រឹត្តនូវអំពើពុករលួយ ស៊ីសំណូកសូកប៉ាន់ កេងប្រវ័ញ្ច និងការទទួលកម្រៃជើងសារក្នុងអាជីពការងារដែលយើងកំពុងបំពេញប្រចាំថ្ងៃ នោះយើងនឹងទទួលបាននូវការស្រឡាញ់ កេរ្តិ៍ឈ្មោះ កិត្តិយស សេចក្ដីថ្លៃថ្នូរ និងការគោរពដែលជាអំណោយជីវិតដ៏មានតម្លៃជាក់ជាមិនខាន។ អ្នកឧកញ៉ា វេជ្ជបណ្ឌិត គួច ម៉េងលី
សូមកុំមើលស្រាលឥទ្ធិពលនៃសេចក្តីស្រលាញ់ ការចែករំលែក ការជួយគ្នាទៅវិញទៅមក និងការរួបរួមគ្នាឱ្យសោះ ព្រោះកត្តាទាំងនេះនឹងជួយឱ្យយើងអាចជម្នះរាល់ឧបសគ្គ និងរបាំងរារាំងគ្រប់បែបយ៉ាង។ អ្នកឧកញ៉ា វេជ្ជបណ្ឌិត គួច ម៉េងលី
កុំភ្លេចក្រើនរម្លឹកប្រាប់ខ្លួនឯងជាប្រក្រតីថា “ខ្ញុំអាចធ្វើបាន” ចំពោះគ្រប់កិច្ចការនិងគម្រោងទាំងអស់ដែលអ្នកចង់សម្រេចបាននាពេលអនាគត ព្រោះថាមានតែការចាប់ផ្តើមទេដែលអាចនាំយើងទៅរកលទ្ធផល។ អ្នកឧកញ៉ា វេជ្ជបណ្ឌិត គួច ម៉េងលី