MJQ Quotes
ធម៌ទាំងប្រាំពីរ

ធម៌ទាំងប្រាំពីរ

ពេលគេជេរ យើងជូនពរ
ពេលគេភរ យើងកុំជឿ
ពេលគេអឿ យើងចេះឱន
ពេលគេជះភ្លើង យើងជះទឹក
ពេលគេជះប្រេង យើងជះខ្សាច់
ពេលគេកាត់ផ្តាច់ យើងតស្ពាន
ពេលគេធ្វើបុណ្យ យើងធ្វើទាន

សូមអ្នកចាំឱ្យបានច្បាស់ កុំផ្តេសផ្តាសប្រយ័ត្នលិចខ្លួន។ សូមកាន់ធម៌ទាំងប្រាំពីរឱ្យបានខ្ជាប់ខ្ជួន ពិសេសត្រូវរួបរួមដាស់តឿនគ្នាទៅវិញទៅមក។ បើអ្នកខឹងសូមនឹកដល់ធម៌ទាំងប្រាំពីរព្រោះថាវាអាចជាគម្ពីរនាំឱ្យយើងអស់ព្រួយ និងអាចជួយឱ្យធូរស្បើយអារម្មណ៍។

អ្នកឧកញ៉ា វេជ្ជបណ្ឌិត គួច ម៉េងលី

Related Quotes

ដើម្បីការរីកចម្រើនក្នុងវិស័យអប់រំ និងការផ្ដល់ការអប់រំដល់យុវជនយើង យើងជាអ្នកអប់រំត្រូវផ្ដោតទៅលើ៣កត្ដាធំៗ ទី១ គឺគុណភាពនៃការសិក្សា ទី២ គឺវិន័យ ការអប់រំសីលធម៌ និងការដឹងខុសត្រូវទៅដល់សិស្ស ទី៣ គឺការផ្ដល់សេវាកម្មថ្លៃថ្នូរដល់សិស្ស បុគ្គលិក អ្នកអាណាព្យាបាល និងសាធារណជន។

អ្នកឧកញ៉ា វេជ្ជបណ្ឌិត គួច ម៉េងលី

របស់របរណាដែលយើងឈប់ប្រើប្រាស់ សូមចែករំលែកទៅអ្នកដទៃដែលខ្វះខាត ត្រូវចេះធ្វើបុណ្យ ធ្វើទាន កុំទុករហូតដល់ពុកផុយ ស្អុយ ឬក៏រហូតដល់ប្រើប្រាស់មិនកើតទើបឱ្យគេ។ វាជារបស់ធម្មតាសម្រាប់យើងមែន ប៉ុន្តែវាអាចជាទ្រព្យសម្បត្តិរបស់អ្នកដទៃ។ ចំពោះយើងមានម្ហូបអាហារខ្លះប្រហែលជាយើងមិនចង់ញ៉ាំនោះទេ ប៉ុន្តែវាអាចជាម្ហូបអាហារដ៏ឈ្ងុយឆ្ងាញ់ពិសេសសម្រាប់អ្នកដទៃ។

អ្នកឧកញ៉ា វេជ្ជបណ្ឌិត គួច ម៉េងលី

យើងត្រូវពឹងផ្អែកលើខ្លួនយើងផ្ទាល់ កុំផ្ដេកផ្ដួលតែទៅលើរាជរដ្ឋាភិបាលនោះ ព្រោះពួកគាត់ក៏កំពុងតែពុះពារដើម្បីឆ្លើយតបទៅនឹងតម្រូវការដើម្បីអភិវឌ្ឍយើង និងប្រទេសជាតិយើងដែរ។ ពលរដ្ឋនីមួយៗ ត្រូវចេះខិតខំប្រឹងប្រែងដោយខ្លួនឯង សូមកុំផ្ដេកផ្សំផ្ដួល១០០%ទៅលើរាជរដ្ឋាភិបាល ព្រោះប្រទេសនីមួយៗ ដើម្បីឱ្យមានការអភិវឌ្ឍ គឺត្រូវការប្រជាពលរដ្ឋគ្រប់គ្នាចូលរួមចំណែកក្នុងការអភិវឌ្ឍនោះ។

អ្នកឧកញ៉ា វេជ្ជបណ្ឌិត គួច ម៉េងលី

Back To Top