បើអ្នកចង់ធ្វើការដដែលអស់មួយជីវិតដោយគ្មានការរីកចម្រើន សិក្សា a (អេតូច) ហើយធ្វើតែ a (អេតូច) ទៅ។ បើអ្នកចង់ធ្វើឱ្យបានល្អប្រសើរជាងនេះ នោះអ្នកត្រូវធ្វើ A (អេធំ)។ បើសិនជាអ្នកចង់ធ្វើជាអ្នកគ្រប់គ្រង អ្នកត្រូវធ្វើ ABC។ បើអ្នកចង់ដឹកនាំអ្នកដទៃ អ្នកត្រូវធ្វើពី A ដល់ Z ហើយត្រូវគិតឱ្យជ្រៅ ដៅឱ្យឆ្ងាយ និងធ្វើឱ្យអស់ពីសមត្ថភាពអ្នក។ ទោះបីជាយ៉ាងណាក៏ដោយ បើអ្នកចង់ក្លាយជាអ្នកដឹកនាំម្នាក់ដ៏ជោគជ័យ និងគួរឱ្យគោរពស្រឡាញ់ អ្នកត្រូវតែមានមេត្តាធម៌ ឈ្វេងយល់ពីពិភពលោកនៅជុំវិញ និងដឹកនាំប្រកបដោយមហិច្ឆតា និងគតិបណ្ឌិត។