MJQ Quotes
សុភាសិតខ្មែរយើងពោលថា កុំហុតទឹកសម្លឹងកាក។ មានន័យថា កុំសម្រេចធ្វើអ្វីមួយដោយសម្លឹងឃើញផលប្រយោជន៍ជាធំ។ ប៉ុន្ដែចំពោះខ្ញុំក៏មានន័យផងដែរថា ធ្វើអ្វីក៏ដោយ កុំធ្វើដោយងងឹតងងុល មិនយល់ដឹងសោះ ត្រូវចេះហុតទឹកហើយហ៊ានសម្លឹងរកមើលកាកខ្លះ ដើម្បីកុំឱ្យបរាជ័យ និងចាញ់ប្រៀបគេ។

សុភាសិតខ្មែរយើងពោលថា កុំហុតទឹកសម្លឹងកាក។ មានន័យថា កុំសម្រេចធ្វើអ្វីមួយដោយសម្លឹងឃើញផលប្រយោជន៍ជាធំ។ ប៉ុន្ដែចំពោះខ្ញុំក៏មានន័យផងដែរថា ធ្វើអ្វីក៏ដោយ កុំធ្វើដោយងងឹតងងុល មិនយល់ដឹងសោះ ត្រូវចេះហុតទឹកហើយហ៊ានសម្លឹងរកមើលកាកខ្លះ ដើម្បីកុំឱ្យបរាជ័យ និងចាញ់ប្រៀបគេ។

អ្នកឧកញ៉ា វេជ្ជបណ្ឌិត គួច ម៉េងលី

Related Quotes

ដើម្បីការរីកចម្រើនក្នុងវិស័យអប់រំ និងការផ្ដល់ការអប់រំដល់យុវជនយើង យើងជាអ្នកអប់រំត្រូវផ្ដោតទៅលើ៣កត្ដាធំៗ ទី១ គឺគុណភាពនៃការសិក្សា ទី២ គឺវិន័យ ការអប់រំសីលធម៌ និងការដឹងខុសត្រូវទៅដល់សិស្ស ទី៣ គឺការផ្ដល់សេវាកម្មថ្លៃថ្នូរដល់សិស្ស បុគ្គលិក អ្នកអាណាព្យាបាល និងសាធារណជន។

អ្នកឧកញ៉ា វេជ្ជបណ្ឌិត គួច ម៉េងលី

របស់របរណាដែលយើងឈប់ប្រើប្រាស់ សូមចែករំលែកទៅអ្នកដទៃដែលខ្វះខាត ត្រូវចេះធ្វើបុណ្យ ធ្វើទាន កុំទុករហូតដល់ពុកផុយ ស្អុយ ឬក៏រហូតដល់ប្រើប្រាស់មិនកើតទើបឱ្យគេ។ វាជារបស់ធម្មតាសម្រាប់យើងមែន ប៉ុន្តែវាអាចជាទ្រព្យសម្បត្តិរបស់អ្នកដទៃ។ ចំពោះយើងមានម្ហូបអាហារខ្លះប្រហែលជាយើងមិនចង់ញ៉ាំនោះទេ ប៉ុន្តែវាអាចជាម្ហូបអាហារដ៏ឈ្ងុយឆ្ងាញ់ពិសេសសម្រាប់អ្នកដទៃ។

អ្នកឧកញ៉ា វេជ្ជបណ្ឌិត គួច ម៉េងលី

យើងត្រូវពឹងផ្អែកលើខ្លួនយើងផ្ទាល់ កុំផ្ដេកផ្ដួលតែទៅលើរាជរដ្ឋាភិបាលនោះ ព្រោះពួកគាត់ក៏កំពុងតែពុះពារដើម្បីឆ្លើយតបទៅនឹងតម្រូវការដើម្បីអភិវឌ្ឍយើង និងប្រទេសជាតិយើងដែរ។ ពលរដ្ឋនីមួយៗ ត្រូវចេះខិតខំប្រឹងប្រែងដោយខ្លួនឯង សូមកុំផ្ដេកផ្សំផ្ដួល១០០%ទៅលើរាជរដ្ឋាភិបាល ព្រោះប្រទេសនីមួយៗ ដើម្បីឱ្យមានការអភិវឌ្ឍ គឺត្រូវការប្រជាពលរដ្ឋគ្រប់គ្នាចូលរួមចំណែកក្នុងការអភិវឌ្ឍនោះ។

អ្នកឧកញ៉ា វេជ្ជបណ្ឌិត គួច ម៉េងលី

Back To Top