ហេតុអ្វីយើងមិនមើលសកម្មភាពរបស់អ្នកផងទាំងពួងក្នុងក្របខណ្ឌប្រកបដោយក្រមសីលធម៌ និងសុទិដ្ឋិនិយមរបស់យើង? នៅពេលដែលយើងមានទឹកចិត្តមើលអ្វីនៅក្នុងផ្លូវវិជ្ជមាន នៅពេលនោះព្រះពុទ្ធអង្គអាចនឹងជួយសង្គ្រោះយើងឱ្យបានមើលឃើញនិងភ្លក់រសជាតិនៃរស្មីភ្លឺថ្លានៅក្នុងជីវិត ហើយថែមទាំងអាចជួយបន្ធូរបន្ថយសេចក្តីភ័យខ្លាចរបស់យើង ពិសេសនឹងជួយឱ្យយើងបានធូរស្រាលចេញពីកំហឹង និងភាពសង្ស័យដែលតែងតែមាននៅក្នុងសន្ដានចិត្តរបស់យើងទៀតផង។សូមចងចាំថា គ្រប់សេចក្តីលោភទាំងឡាយនឹងមិននាំយើងឆ្ពោះទៅរកអំពើល្អនោះទេ។ ដូច្នេះសូមយើងរៀនពីវិធីសាស្រ្តអ្វីដែលថ្មី ហើយប្រសើរក្នុងការចែករំលែក និងជួយគ្នាទៅវិញទៅមក។ សូមយើងជឿជាក់លើគ្នាឱ្យបានច្រើនជាងអ្វីដែលយើងធ្លាប់បានធ្វើ កាលបើយើងអាចធ្វើបានដូចបានជម្រាបជូនខាងលើមកនោះ វានឹងអាចជួយឱ្យយើងអាចមានជីវិតមួយ និងសង្គមមួយដ៏គាប់ប្រសើរជាក់ជាមិនខាន។

អ្នកឧកញ៉ា វេជ្ជបណ្ឌិត គួច ម៉េងលី